Mar 23, 2014

गजल

सिरानीमा प्रियतमाको तस्बिर राखेर ।
उ निदाएको छ आंखाभरि पिर राखेर ।

मैले राम्रोसंग चिनेको छु मित्र तिमीलाई,
कसरी छेकेथ्यौ पाईलैपिच्छे भिर राखेर !

फुलेर पनि कहिल्यै मुस्काएनन ती फूलहरु,
जब फर्किएनौ ती नजर आखिर राखेर ।

कैले तुफान राखेर, कैले मैदान पारेर,
आज परिक्षा लिंदैछ समय स्थिर राखेर ।

यो बाटो कहिल्यै नजानु साथी त्यो बजारमा,
बिक्रिमा बसेका हुन्छन आफ़्नै शरिर राखेर ।